Rasti i Klientit A.D – Nga Leja e Legalizimit te Çertifikata e Pronësisë

Në vitin 2018, qytetari A.D u pajis me Lejen e Legalizimit nr. XXX, të cilën e konsideroi si dokument përfundimtar të pronësisë së tij. Për shkak të mungesës së informacionit të saktë, ai nuk ishte në dijeni se pas legalizimit duhej të vijonte edhe procedura e regjistrimit pranë Agjencisë Shtetërore të Kadastrës, për tu pajisur me Çertifikatën e Pronësisë.

Gjatë aplikimit për një kredi bankare, ai u informua se pasuria që dëshironte të vendoste si kolateral duhej të ishte e regjistruar dhe e pajisur me dokument përfundimtar pronësie. Vetëm në këtë moment A.D kuptoi se Leja e Legalizimit nuk e zëvendëson Çertifikatën e Pronësisë.

Në këtë situatë, ai iu drejtua ekipit tonë për ndihmë profesionale. Ekipi ynë e udhëhoqi në çdo hap të procesit, duke përfshirë regjistrimin e Lejes së Legalizimit dhe vijimin e procedurave për pajisjen me Çertifikatë Pronësie.

Falë asistencës së specializuar, A.D arriti ta përfundonte me sukses dhe në mënyrë të rregullt ligjore procesin e regjistrimit të pasurisë së tij dhe sot është zyrtarisht i pajisur me Çertifikatë Pronësie, dokumentin e vetëm të vlefshëm për përdorim në banka dhe çdo procedurë tjetër ligjore.

 Edhe ju mund të shmangni vonesa, refuzime apo probleme me dokumentacionin.
Kontaktoni ekipin tonë për konsulencë të saktë dhe procedura të garantuara.