Aplikim për Saktësim Kufijsh në ASHK | Procedura të Sakta & Profesionale

Saktësime të Kufijve të Pasurisë

Saktësia e kufijve është një element thelbësor në çdo proces që lidhet me pronësinë. Çdo pasaktësi në kufijtë e një pasurie, qoftë ndërtesë apo tokë, mund të shkaktojë probleme në regjistrim, legalizim, shitje, ndarje pasurie, aplikime për kredi ose procese të tjera administrative.
Ne ofrojmë asistencë të specializuar për saktësimin e kufijve sipas standardeve teknike dhe juridike të ASHK.

Saktesime
• Saktësim i kufijve të pasurisë ndërtesë
• Saktësim i kufijve të pasurisë tokë

Saktësim i Kufijve të Pasurisë – Ndërtesë

Ky shërbim realizohet kur:

kufijtë e ndërtesës nuk përputhen me hartën kadastrale,
ka devijime mes planimetrisë dhe regjistrit teknik,
ndërtesa rezulton e zhvendosur ose e shënuar gabimisht në hartë,
kërkohet rishikim i perimetrit për t’u pajisur me dokument të saktë pronësie.

Ne kryejmë verifikimin teknik, përgatisim dokumentacionin e duhur dhe e dorëzojmë kërkesën zyrtare për saktësim, duke ndjekur procedurën deri në përfundim.

Saktësim i Kufijve të Pasurisë – Tokë

Ky proces përdoret kur pasuria tokë ka:

kufij të pasaktë në hartë,
mbivendosje me parcela fqinje,
sipërfaqe të gabuar të regjistruar,
probleme me vijën e kufirit në terren,
diferenca mes dokumenteve të vjetra dhe regjistrave aktualë.

Ne ndërhyjmë për të përditësuar kufijtë sipas matjeve të sakta, duke garantuar që pasuria juaj të registrohet saktë dhe pa mbivendosje.

Pse është i rëndësishëm saktësimi i kufijve?

Për të shmangur konflikte me pronarët fqinj
Për të mundësuar shitje, legalizim ose ndarje të pasurisë
Për të siguruar vlerë të saktë të pronës në treg
Për të marrë dokumente të sakta dhe të vlefshme për çdo procedurë ligjore
Për të reflektuar realisht sipërfaqen dhe perimetrin e pronës

Me eksperiencën tonë në trajtimin e dokumentacionit të pronësisë, ju garantojmë një proces të qartë, profesional dhe të sigurt, duke finalizuar çdo saktësim sipas standardeve të ASHK.